Yerazi Bes | Yerazi Bes Indz Modetsar Gyanks Zinov Ltzretzir

Երազի Պէս

Երազի պէս ինձ մօտեցար, կեանքս գինով լցրեցիր,
Սիրոյ անհուն ծովն ընկար ու ինձ գերեցիր.
Երջանիկ ենք մենք երկուսով, երջանիկ ենք անսահման,
Չգիտես դու, չգիտեմ ես, ո՞ւր է տանում այս ճամբան։

Քո շշուկը հովիկ քնքոյշ, շոյում է իմ ականջը,
Ինձ գերում է քո աչքերի լուռ ու թախծոտ կանչը,
Երջանի՞կ ենք արդեօք հիմա, երջանի՞կ ենք անսահման,
Երբ չգիտես ո՞ւր է տանում մեզ սիրոյ այս լուռ ճամբան։

Գիշեր է լուռ, գիշեր սիրոյ, երբ ցնորքներ կան միայն,
Երբ աչքերիդ ծովում յստակ, սէրն է տանջւում անձայն,
Տանջւում ես դու, տանջւում եմ ես եւ լռում ենք անսահման,
Եւ չգիտենք ո՞ւր է տանում, մեզ սիրոյ այս լուռ ճամբան։

Powered by WordPress. Designed by WooThemes